Plantun de Prouvènço

Pèr coumpara dos planto d'encò nostre

Leontodon tuberosus & Athyrium filix-femina

Moulin-de-prat(-bóujoula)

Leontodon tuberosus

Asteraceae Compositae

Autre noum : Mounge.

Nom en français : Liondent tubéreux.

Descripcioun :
Aquéu moulin-de-prat trachis dins li tepiero sablouso e argilouso. Flouris de la fin de l'estiéu au printèms segound li plueio, e pièi passo lou gros de la calourasso bonodi sa racino bóujoulado, o tuberisado s'amas miés. Lis akène dóu bord de la flour coumpausado an eici ges d'eigreto e rèston de tèms après la cabusso dis akène dóu mitan.

Usanço :
Li racino soun manjado crus (Grèço, Espagno, Sicilo) e li fueio peréu en ensalado o cuecho à la vapour (F. Couplan, op.cit. p. 424).

Port : Erbo
Taio : 5 à 40 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) enflourejado : 2 à 3 cm
Flourido : Printèms Autouno - Ivèr

Sòu : Ca
Autour basso e auto : 0 à 800 m
Aparado : Noun
Setèmbre à abriéu

Liò : Tepiero sablouso - Tepiero argielouso - Ermas - Orle
Estànci : Termoumediterran à Mesoumediterran
Couroulougi : Estenoumediterranenco
Ref. sc. : Leontodon tuberosus L., 1759

Féuse(-feméu)

Athyrium filix-femina

Athyriaceae

Nom en français : Fougère femelle.

Descripcioun :
Aquest féuse trachis sus siliço e au nostre se rescountro subretout en mountagno souto li mele e li sapino. Douno proun d'èr au féuse-de-cabro, Dryopteris filix-mas, mai li foundo soun eici tres cop descoupado e subretout emé de soro en long e noun pas en round. L'indusìo se vèi bèn.

Usanço :
Lis indian d'Americo n'en manjavon lou rizoumo pela e rousti. Aurié d'ùni prouprieta en raport emé li règlo e l'acouchamen, d'ounte lou noum.